Беларускі, расійскі і еўрапейскі парламенты знутры (ФОТА)

У некаторых краінах без праблем пускаюць на экскурсіі ў прэзідэнцкія рэзідэнцыі і іншыя ўрадавыя будынкі.

Каб на ўласныя вочы знутры ўбачыць, напрыклад, беларускую Палату прадстаўнікоў, трэба прыйсці на прыём да дэпутата, інакш на экскурсію пакуль не трапіш.

Журналіста Еўрарадыё пусцілі з фотаапаратам не толькі ў беларускі парламент, але і ў Дзярждуму Расіі. Таксама мне ўдалося пафатаграфаваць Еўрапарламент у Бруселі, што сёння зрабіць даволі проста.

Палата прадстаўнікоў Нацыянальнага сходу Беларусі. Будынак старэйшы за расійскую Дзярждуму на два гады. Тут больш за 700 кабінетаў, вышыня – дзевяць паверхаў.

Еўрапарламент, Брусель

Авальная зала Палаты прадстаўнікоў

Ракурс з трыбуны дакладчыка у беларускай Авальнай зале

Галоўная зала пасяджэнняў Еўрапарламента

Вялікая зала пасяджэнняў у Палаце прадстаўнікоў

Новая мэбля тут жа. Затое ў Авальнай зале антуражныя крэслы і сталы для дэпутатаў засталіся з савецкіх часоў

Зала пасяджэнняў Савета Палаты прадстаўнікоў

У гэтай даволі просценькай з выгляду зале праводзяцца пасяджэнні пастаянных камісій і працоўных груп Палаты прадстаўнікоў

Яшчэ адна буйная зала пасяджэнняў, якой карыстаюцца беларускія парламентарыі

Калідор у будынку Палаты прадстаўнікоў

Выгляд збоку на парадную лесвіцу ў Дзярждуме Расіі. Дэпутаты на вакацыях, а рабочыя

займаюцца касметычным рамонтам

Металічная кампазіцыя унутры "вінтавой" лесвіцы ў Еўрапарламенце

У адным з туалетаў Дзярждумы РФ. Вадкае мыла часам эканомяць, замест

яго прапаноўваюць карыстацца праверанымі цвёрдымі духмянымі кавалачкамі.

Прыбіральня ў Еўрапарламенце. Фота з Інтэрнэта

Прыбіральня ў будынку Палаты прадстаўнікоў

Жырандоля сталінскай эпохі ў Авальнай зале Палаты прадстаўнікоў. Зробленая з беларускага шкла.

Важыць пяць тон, у ёй 536 лямпачак. Зараз яны энергазберагальныя, а раней былі звычайныя лямпы

напалу, якія часам выбухалі. Існуе спецыяльны механізм, які спускае гэту жырандолю ўніз.

Яе чысцяць, мяняюць лямпачкі а потым зноў падымаюць.

Сталоўка ў расійскай Дзярждуме. На пярэднім плане стол, які, па словах кухарак, аблюбавалі

дэпутаты з ЛДПР.

Ва ўсіх залах пасяджэнняў Палаты прадстаўнікоў ставяць разлітую у шкляныя графіны пітную ваду.

Яе наліваюць з крана, прапускаючы пасля гэтага праз вялікі фільтр.

Шыльда з надпісам “Еўрапейскі парламент” на розных мовах.

Беларускамоўныя “пімпачкі” на месцы супрацоўніка Сакратарыята Палаты прадстаўнікоў.

Што цікава, большасць надпісаў на дзвярах дэпутацкіх кабінетаў таксама на беларускай мове.

Адзін з барэльефаў, які ілюструе рэвалюцыйную барацьбу, у фае Авальнай залы Палаты прадстаўнікоў