У Федэрацыі хакею ў сераду адбудзецца "разбор палётаў"
На паседжанні выканкама федэрацыі 20 лютага будуць разглядаць вынікі выступу хакейнай зборнай у алімпійскай кваліфікацыі.
З дакладам выступіць галоўны трэнер каманды Андрэй Скабелка, перадае БелаПАН.
15 лютага вынікі няўдалага выступу зборнай у Даніі разглядаліся ў Міністэрстве спорту і турызму на нарадзе з удзелам Скабелкі, міністра Аляксандра Шамко, першага віцэ-прэзідэнта Нацыянальнага алімпійскага камітэта Ігара Рачкоўскага, памочніка прэзідэнта па пытаннях спорту Максіма Рыжанкова, старшыні Федэрацыі хакея Яўгена Ворсіна.
Нагадаем, што наша зборная не здолела прайсці кваліфікацыю на Алімпійскія гульні 2014 года.
Фота — lallamabasket.blogspot.com