У Віцебску паказваюць "бананавыя" долары (фота)
Калекцыянер Леанід Ялаў наладзіў выставу... долараў, якія выкарыстоўваліся ці выкарыстоўваюцца ў 25 краінах свету.
Як паведамляе "Ежедневник", у Музеі прыватных калекцый можна пабачыць 190 рэдкіх экспанатаў. Напрыклад, мільённую купюру, якая легальна выдаецца ў ЗША, мае ступені абароны, але не з'яўляецца плацёжаздольнай. Альбо "бананавыя" долары — так называюць грошы Малайі, якія дзейнічалі ў 1940-х і мелі выявы пальмаў і какосаў.
Двухдоларавыя купюры — рэдкасць. Некаторыя лічаць, што яны прыносяць удачу.
Зімбабвійская купюра ў трыльёны долараў — папера, на якой яны друкаваліся, неўзабаве стала даражэй за банкноту.
Калекцыянер Леанід Ялаў.
