У фінале Кубка Беларусі згуляюць "Іслач" і "Нёман"
Футбол, ілюстрацыйнае фота / pixabay.com
8 траўня вызначыліся фіналісты футбольнага Кубка Беларусі.
Футбалісты "Іслачы" ў дадатковы час звялі паядынак з "Тарпеда-БелАЗ" да нічыйнага выніку — 1:1. Па суме двух матчаў "Іслач" змагла стаць першым фіналістам Кубка краіны.
Дарэчы, на апошніх хвілінах сустрэчы "аўтазаводцы" забілі другі мяч у браму "ваўкоў", але галоўны суддзя не залічыў яго праз фол на Іллі Калачове.
Другім фіналістам Кубка стаў гродзенскі "Нёман". У гульні з мінскім "Дынама" гродзенцы перамаглі з лікам 2:0. Аўтарамі галоў сталі Ягор Зубовіч (60) і Андрэй Васільеў (90).
