Віктара Івашкевіча за заклік да санкцый аштрафавалі на 500 тысяч
Такое рашэнне прыняў суд Савецкага раёна сталіцы па пазове супрацоўніцы Мазырскага НПЗ Марыны Цыбліенкі.
Падставай для пазову стала тое, што Івашкевіч заклікаў еўрапейскія кампаніі байкатаваць беларускія нафтапрадукты. Цыбліенка (на здымку) вырашыла спагнаць з Івашкевіча 500 тысяч рублёў маральнай кампенсацыі.
Як паведаміла Еўрарадыё пасля абвяшчэння прысуду Марына Цыбліенка, грошы яна перадасць у мазырскі Чырвоны крыж. Таксама яна адзначыла, што для яе важна, каб Віктар Івашкевіч "абверг сваю заяву ў інтэрнэце" і больш да санкцыяў не заклікаў. Адзначым, што суд абавязаў Івашкевіча абвергнуць сваю заяву на сайце "Хартыі-97". Сам палітык яшчэ перад абвяшчэннем прысуда гаварыў, што "са сваіх пазіцый не саступіць".
Вось як пракаментаваў прысуд у эфіры Еўрарадыё Віктар Івашкевіч:
Фота — Еўрарадыё і bymedia.net
