За адкушаны нос пакаралі 5 гадамі зняволення
Жыхар вёскі Вялікая Лысіца, які знаходзіўся ў вёсцы Студзёнкі ў нецвярозым стане, спачатку адлупцаваў мясцовага жыхара.
Пасля ён укусіў яго за руку, а потым... адкусіў нос. Здарэнне адбылося яшчэ ў красавіку мінулага года, разбіральніцтва цягнулася амаль 12 месяцаў. Суд Нясвіжскага раёна вынес вердыкт — пазбавіць мужчыну волі на пяць гадоў з адбываннем пакарання ва ўмовах узмоцненага рэжыму.
Акрамя гэтага, абвінавачаны павінен сплаціць пацярпеламу 10 мільёнаў рублёў за маральныя пакуты і кампенсаваць за юрыдычныя паслугі страты ў памеры восем з паловай мільёнаў рублёў.
