Сабаленка зноў стала шостай ракеткай свету
Арына Сабаленка зноў стала шостай ракеткай свету. У абноўленым рэйтынгу WTA беларуская тэнісістка паднялася на адну пазіцыю (на сёмае месца яна апусцілася ў сярэдзіне жніўня). Днямі Сабаленка дайшла да паўфіналу турніру ў Цынцынаці.
На тым жа турніры Вікторыя Азаранка выбыла ў 1/16 фіналу. У рэйтынгу яна апусцілася з 22-га на 26-е месца. Аляксандра Сасновіч захавала за сабой 36-е месца.
Першай ракеткай свету застаецца Іга Свёнтак з Польшчы.
