Што за жанчына суправаджала Мікалая Лукашэнку на парадзе?
3 ліпеня 2017 года Аляксандр Лукашэнка, як заўжды, прымаў парад да Дня незалежнасці Беларусі. На трыбуне побач з ім былі вышэйшыя дзяржаўныя чыноўнікі і сілавікі. Але гэтым разам там чамусьці не з'явіўся Мікалай Лукашэнка, малодшы сын кіраўніка краіны.
Мікалай Лукашэнка ўжо даўно не прапускаў парадаў і часта назірае за імі побач з бацькам. Вось яны разам на трыбуне падчас парада ў 2015 годзе:
Той-сёй ужо пачаў казаць, што Мікалай Лукашэнка "прагуляў" парад. Але малодшы сын прэзідэнта ўсё ж прыйшоў паглядзець на ваенную тэхніку. У распараджэнне Еўрарадыё трапіў здымак, зроблены з трыбуны, побач з якой Мікалай Аляксандравіч прайшоў у суправаджэнні невядомай попельнай бландынкі.
Хто гэтая жанчына? Еўрарадыё звярнула ўвагу на тое, што яна падобная да Святланы Канашэнка, асабістага доктара Аляксандра Лукашэнкі. Гэтая загадкавая жанчына ўжо некалькі гадоў знаходзіцца побач з сям'ёй кіраўніка Беларусі.
Вось, напрыклад, яна ўдзельнічае ў зборы ўраджаю з гаспадаркі Аляксандра Лукашэнкі ў 2014 годзе:
Бландынка, падобная да Святланы Канашэнка, суправаджае Мікалая Лукашэнку падчас экскурсіі ў Кіеве. 2013 год:
А вось Святлана Канашэнка на архіўным здымку, зробленым яшчэ раней. Тут побач з ёю не толькі Аляксандр Лукашэнка, але і яго старэйшы сын Віктар, і бізнэсовец Аляксандр Шакуцін, і тэнісны трэнер Сяргей Цяцерын з прэзідэнцкага "клуба касцоў":
А сёлета Святлана Канашэнка "засвяцілася" ў навінах на канале "Беларусь 1". 7 студзеня яна прыехала разам з Аляксандрам Лукашэнкам на Калядную службу ў Свята-Духаў кафедральны сабор:
