Сілавікі заявілі пра ліквідацыю ў Беларусі падпольнай арганізацыі моладзі
Затрыманыя на відэа кажуць толькі пра сваю актыўнасць у "экстрэмісцкім тэлеграм-чаце", пра абмеркаванні / Скрыншот з відэа
Сілавікі заявілі пра ліквідацыю ў Беларусі падпольнай арганізацыі моладзі. Яна мела назву "Саюз Беларускага Нацыянальнага Шчыта". Сцвярджаецца, што затрыманыя пяць яе арганізатараў. Па версіі ГУБАЗіК, падпольшчыкі "вялі актыўную экстрэмісцкую дзейнасць у кожным рэгіёне, абмяркоўвалі і планавалі дыверсіі і тэракты, у тым ліку на чыгунцы і з выкарыстаннем "кактэйляў Молатава". Згадваецца "шэраг падпалаў", якія прыпісваюць моладзі. Сярод іх — рамкі BelToll у раёне Сеніцы восенню 2022-га.
Самі затрыманыя на відэа кажуць толькі пра сваю актыўнасць у "экстрэмісцкім тэлеграм-чаце", пра абмеркаванні.
Напярэдадні стала вядома, што "Саюз Беларускага Нацыянальнага Шчыта" ў РБ прызнаны "экстрэмісцкім фармаваннем".
