Сканчаюцца боепрыпасы, але не баявы дух: што адбываецца на ўсходзе Украіны

Новыя абяцаныя заходнія сістэмы ўзбраенняў прыбываюць занадта павольна і ў недастатковай колькасці, каб прадухіліць поспехі Расіі на Данбасе, піша Washington Post.

Украінцы адбіваюць атаку Расіі, але ў іх сканчаюцца боепрыпасы, УСУ ў гэтым рэгіёне нясе значна больш высокія страты, чым на першых этапах вайны. Выданне піша, што кожны дзень гінуць блізу 200 украінскіх вайскоўцаў — у канцы мінулага месяца гаворка ішла пра 100 загінулых штодня.

Коратка пераказваем вам артыкул у амерыканскім выданні, які тлумачыць, што цяпер адбываецца на ўсходзе Украіны — і чаму Кіеў так чакае заходнюю артылерыю.
 

Сканчаюцца боепрыпасы

Рускія ўсё яшчэ робяць памылкі і таксама губляюць людзей і тэхніку, хоць і меншымі тэмпамі, чым у першыя месяцы канфлікту. Адным з прыкмет таго, што яны пакутуюць ад недахопу абсталявання, стала відэа, размешчанае ў сацыяльных сетках. На ім бачна, як расіяне вывозяць са склада сотні закансерваваных савецкіх танкаў Т-62 для адпраўкі на Украіну, пішуць журналісты Washington Post.

"Стратэгіі і тактыкі расіянаў цяпер зусім іншыя. Яны значна больш паспяховыя", — кажа сакратар СНБА Аляксандр Данілюк.

Ён адзначае, што ў расіянаў больш рэсурсаў — і яны "нікуды не спяшаюцца". Данілюк тлумачыць: Расія выкарыстоўвае дальнабойную артылерыю. Гэта значыць, можа атакаваць з адлегласці ў дзесяткі кіламетраў — а Украіна часцяком не можа адстрэльвацца, хоць і ведае каардынаты ўсіх важных мэтаў. Прычына — няма сродкаў атакаваць.

Па словах Данілюка, ва Украіне амаль цалкам скончыліся боепрыпасы для сістэм узбраенняў савецкай эпохі, якія складалі аснову яе арсенала. А ва ўсходнееўрапейскіх краінах, якія эксплуатавалі такія ж сістэмы, скончыліся лішкі, якія можна было б ахвяраваць. Таму, кажа Данілюк, Украіне тэрмінова неабходна перайсці на больш дальнабойныя і больш складаныя заходнія сістэмы.
 

Колькі яшчэ чакаць дапамогі Захаду?

Расія выпускае да 50 тыс. артылерыйскіх стрэлаў у дзень па ўкраінскіх пазіцыях. Украінцы могуць нанесці зваротны ўдар толькі 5-6 тысячамі стрэлаў у дзень, кажа Данілюк. Ён дадае, што калі б ЗША далі абяцаныя 220 тысяч адзінак боепрыпасаў, гэтага хапіла б, каб спаборнічаць з РФ цягам чатырох дзён.

Чатыры дальнабойныя рэактыўныя сістэмы залпавага агню HIMARS, якія ўкраінцы запыталі ў ЗША, усё яшчэ знаходзяцца ў дарозе. На шляху ва Украіну знаходзяцца і тры аналагічныя сістэмы, абяцаныя Вялікабрытаніяй. Да поля бою ім яшчэ некалькі тыдняў, кажуць афіцыйныя асобы ЗША. Але трэба дадаць час, якое спатрэбіцца вайскоўцам, каб навучыцца іх выкарыстоўваць. Пентагон намякае, што як толькі ўкраінцы пакажуць, што могуць карыстацца гэтымі сістэмамі, Штаты выдадуць болей.
 

"Адступіць пасля гібелі таварышаў — прызнаць іх смерць няважнай"

Украінцы па-ранейшаму добра змагаюцца, цытуе Washington Post Дзмітрыя Альпяровіча з некамерцыйнай кансалтынгавай арганізацыі Silverado Consultancy. Ён нагадвае аб правальнай спробе Расіі ў канцы мінулага месяца перайсці праз раку Северскі Данец. Сотні былі забітыя, дзесяткі адзінак вайсковай тэхнікі знішчаны. Па яго словах, украінцы таксама наносяць паспяховыя ўдары беспілотнікамі па расейскім пазіцыям і калонам забеспячэння.

Журналісты Washington Post пераказваюць сустрэчу ў кавярні з двума ўкраінскімі файскоўцамі, якія толькі што выйшлі з-пад артылерыйскага агню.

Па словах аднаго з іх па меры таго, як колькасць загінулых расла, тыя, што выжылі, адчувалі сябе толькі яшчэ "больш зацікаўленымі ў тым, каб утрымліваць пазіцыі". Паводле яго слоў, адступіць пасля таго, як таварышы былі забітыя, абараняючы горад, было б раўнасільна лічыць іх смерць недастаткова важнай.