"Слуцк" абыграў "Энергетык-БДУ"
3 кастрычніка "Слуцк" абыграў "Энергетык-БДУ" — 2:0. Гэта быў апошні матч 25-га тура чэмпіянату Беларусі па футболе ў вышэйшай лізе. Галы забілі Аляксей Бутарэвіч (42-я хвіліна) і Дзмітрый Сасін (86-я).
У першынстве ўпэўнена лідыруе салігорскі "Шахцёр" — 59 ачкоў (два матчы ў запасе), у БАТЭ — 55, у "Руха" і мінскага "Дынама" па 51 ачку, у "Гомеля" — 48 ачкоў (гульня ў запасе).
Матчы 26-га тура прызначаны на 15 кастрычніка. Сярод іх адзначым гульню прэтэндэнтаў на медалі "Руха" і мінскага "Дынама".
