Смерць на жніве — у Чэрыкаўскім раёне загінуў мужчына, які залез на камбайн
![На месцы трагічнага здарэння / Следчы камітэт](/sites/default/files/styles/gallery_main/public/2023-08/k01.jpg.webp?itok=JZrNnx6a)
На месцы трагічнага здарэння / Следчы камітэт
Следчы камітэт Беларусі паведамляе пра смерць на жніве ў Чэрыкаўскім раёне Магілёўскай вобласці. Трагічнае здарэнне адбылося 18 жніўня. 59-гадовы працаўнік сельгаспрадпрыемства хацеў праверыць, наколькі запоўнены збожжам бункер, і залез на камбайн — на назіральную пляцоўку. У гэты момант тэхніка праязджала пад лініяй электраперадач. Мужчына зачапіўся за правады і атрымаў паражэнне электрычным токам. Ён упаў на кабіну, а пасля ў жатку камбайна.
Пацярпелы атрымаў смяротныя траўмы і памёр на месцы здарэння. Распачатая крымінальная справа. СК ужо заяўляе, што падчас правядзення жніва былі парушэнні "правілаў аховы працы і тэхнікі бяспекі".
![Смерць на жніве — у Чэрыкаўскім раёне загінуў мужчына, які залез на камбайн](/sites/default/files/styles/default_image_paragraph/public/paragraphs/image/K02_1.jpg.webp?itok=E4jUKJWV)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.