Сталі вядомы саперніцы беларусак на Уімблдоне, сярод іх — Серэна Уільямс
Сталі вядомы саперніцы беларускіх тэнісістак на старце Уімблдона. Арына Сабаленка (4-я ракетка свету) сустрэнецца з Монікай Нікулеску (193) з Румыніі, Вікторыя Азаранка (14) — з украінкай Кацярынай Казловай (158), Аляксандра Сасновіч (100) — з амерыканкай Серэнай Уільямс (8), Вольга Гаварцова (136) — з Како Вандэвей (165) з ЗША.
Толькі Гаварцова была вымушана прабівацца на турнір праз кваліфікацыю і яна атрымала там тры перамогі.
Спаборніцтвы стартуюць 28 чэрвеня.
