Сур'ёзнае ДТЗ у Барысаве — загінулі два чалавекі
Пасажырка была без ахоўнага шлема / @pressmvd
Кіроўца матацыкла і яго пасажырка загінулі ўчора ўвечары ў ДТЗ у Барысаве. Мужчына не справіўся з кіраваннем на скрыжаванні з кругавым рухам, наехаў на бардзюрны камень. У выніку матацыкл перакуліўся.
Жанчына была без ахоўнага шлема. Ёй 45 гадоў, мужчыну — 38. Пра абставіны і наступствы ДТЗ распавялі ў ДАІ Мінскай вобласці.
