Сёлета чэмпіён Беларусі па футболе атрымае новы кубак

Сёлета чэмпіён Беларусі па футболе атрымае новы кубак. 27 лістапада яго прэзентавала Беларуская федэрацыя футбола. Аўтарам з'яўляецца скульптар Віктар Паляшук. Вышыня бронзавага кубка 70 см, вага — 7,5 кг. На ім пазначаны ўсе пераможцы папярэдніх беларускіх чэмпіянатаў у вышэйшай лізе.

Кубак будзе пераходзячым. Чэмпіён атрымае на захоўванне дакладную маленькую копію.

Чэмпіёнам Беларусі па футболе 2020 года могуць стаць БАТЭ ці "Шахцёр". У барысаўчан 57 ачкоў, у гарнякоў — 56. У суботу ў апошнім туры БАТЭ гуляе ў гасцях з мінскім "Дынама", "Шахцёр" прымае "Мінск". У выпадку, калі каманды будуць мець па 57 ачкоў, паміж імі пройдзе "залаты матч".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.