У Беларусі блакуюць сайты БАЖ, Саюза пісьменнікаў і Згуртавання беларусаў свету
4 лістапада Міністэрства інфармацыі заблакавала сайты адразу некалькіх грамадскіх аб'яднанняў, ліквідаваных за апошнія месяцы. Цяпер яны дасяжныя на тэрыторыі Беларусі толькі праз VPN.
Гэта сайты Згуртавання беларусаў свету "Бацькаўшчына", аб'яднання прадпрымальнікаў "Перспектыва", Беларускага ПЭН-цэнтра, Саюза беларускіх пісьменнікаў, Беларускай асацыяцыі журналістаў, экалагічнай арганізацыі "Экадом", Беларускага камітэта ICOMOS.
