У Беларусі фінансаванне жылля з дзяржпадтрымкай зменшылі удвая
Замест 2,5 мільёнаў квадратных метраў сёлета плануюць пабудаваць толькі 1,6 мільёна.
Селета ў Беларусі скароцяць аб’ёмы будаўніцтва жылля з дзяржпадтрымкай. Пабудуюць толькі 1,6 млн квадратных метраў, што на 900 тысяч квадратаў менш, чым планавалася.
Пра гэта 5 лютага падчас прэс-канферэнцыі распавёў міністр архітэктуры і будаўніцтва Анатоль Чорны:
“Па пастанове Саўміна, якая прынята ў канцы лістапада планавалася 2,5 мільёна квадратных метраў жылля з дзяржпадтрымкай. Пад гэта трэба было 12 трыльёнаў рублёў. Калі пралічылі пасля снежня [2014-га] магчымасці бюджэту, каб не нарошчваць дэвальвацыю, вырашылі жыць па сродках. На сёння ёсць 6 трыльёнаў рублёў”.
Нагадаем, летась нашай краіне атрымалася пабудаваць 2 мільёна квадратных метраў жылля з дзяржпадтрымкай. З іх 501 тысяча квадратаў для шматдзетных сем’яў.
Фота: sb.by
