У Беларусі ідэолагам паставілі задачы па дзейнасці ў TikTok і Telegram
Ігар Луцкі (у цэнтры), справа ад яго Іван Крупко / sb.by
У Беларусі ідэолагам паставілі задачы па дзейнасці ў TikTok і Telegram. На сённяшні дзень ім "ужо недастаткова ведаць настроі ў працоўных калектывах". Пра гэта ў чацвер у Гомелі заявіў намеснік кіраўніка Адміністрацыі прэзідэнта Ігар Луцкі. Ён удзельнічае ў семінары для чыноўнікаў і ідэолагаў з усёй краіны.
"Трэба ведаць, які трэнд задаецца ў TikTok, ці гатовы адміністратар чарговага Telegram-канала вывесці дзяцей на вуліцы, і своечасова рэагаваць на пагрозы, якія ўзнікаюць", — пераказвае словы Луцкага sb.by.
А старшыня Гомельскага аблвыканкама Іван Крупко заявіў, што стаіць задача "навучыць людзей адрозніваць праўду ад хлусні, правяраць інфармацыю з некалькіх крыніц і ствараць свае рэсурсы ва ўсёй разнастайнасці жанраў".
