У гімназіі Фаніпаля эвакуявалі вучняў
Пажар у гімназіі Фаніпаля / МНС
13 верасня ратавальнікі атрымалі паведамленне пра пажар у гімназіі Фаніпаля імя А. І. Гурына, паведамляе прэс-служба МНС. Там спрацавала сістэма аўтаматычнай пажарнай сігналізацыі "Маланка".
Яшчэ да прыбыцця ратавальнікаў адміністрацыя школы эвакуявала дзяцей. Пацярпелых няма.
Як выявілася, загаранне адбылося ў прыбіральні на другім паверсе навучальнай установы. Паводле папярэдняй інфармацыі, пашкоджаныя смеццевае вядро і перагародка.
Прычына здарэння высвятляецца.
