У інтэрнэт-краме касцюм для секс-гульняў рэкламуюць кнігай Міхася Лынькова
У інтэрнэт-краме касцюм для секс-гульняў рэкламуюць кнігай беларускага пісьменніка Міхася Лынькова "Векапомныя дні" (яе пераклад на рускую мову). На фота звярнуў увагу былы дэпутат беларускага парламента Леанід Дзейка. На сваёй старонцы ў Facebook ён прызнаецца, што "атрымаў нешта кшталту культурнага шоку". "Мяркуйце самі, дзяўчына з яўна не вельмі прыстойнай рэпутацыяй трымае ў руках раман-эпапею беларускага класіка", — піша Дзейка.
