У Камянецкім раёне беларускі памежнік здзейсніў суіцыд
![Беларускія памежнікі на нядаўніх вучэннях / vk.com/gpkgovby](/sites/default/files/styles/gallery_main/public/2023-08/kUofejbN_wY.jpg.webp?itok=z3xIQDeD)
Беларускія памежнікі на нядаўніх вучэннях / vk.com/gpkgovby
У Абяроўшчыне ў Камянецкім раёне Брэсцкай вобласці беларускі памежнік здзейсніў суіцыд. 20 сакавіка яго цела знайшлі ў памяшканні аддзялення памежнага кантролю "Высока-Літоўск" ("знойдзены труп вайскоўца з прыкметамі суіцыду"), паведамляе прэс-служба Брэсцкай памежнай групы.
Салдат 2003 года нараджэння. Ён быў прызваны ў кастрычніку 2022-га, праходзіў службу ў Брэсцкай памежнай групе. Прычыны трагедыі высвятляюцца.
Папярэдняя трагедыя з памежнікамі здарылася ў лютым на мяжы з Украінай, дзе два вайскоўцы патанулі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.