У Кіраўскім раёне лось напаў на людзей
![Лось двойчы напаў на людзей / Ілюстрацыйнае фота belhunting.by](/sites/default/files/styles/gallery_main/public/2023-08/20b9ee6efa30807.jpg.webp?itok=PyVINNF8)
Лось двойчы напаў на людзей / Ілюстрацыйнае фота belhunting.by
У Кіраўскім раёне Магілёўскай вобласці лось напаў на людзей. Як піша газета "Кіравец", здарэнне адбылося раніцай 7 чэрвеня ў вёсцы Стоўпішча. Ад нападу дзікай жывёлы пацярпелі два пенсіянеры — 84-гадовы мужчына і 75-гадовая жанчына. Іх шпіталізавалі ў Кіраўскую цэнтральную раённую бальніцу.
Вядома, што лось напаў на людзей каля іх дома. У пацярпелых траўмы рознай ступені цяжкасці (у жанчыны чэрапна-мазгавая траўма). Калі ў вёску прыехалі ратавальнікі, жывёла ўцякла ў лес. Там лось напаў на леснікоў. У выніку лася злавілі.
Раённая газета пачала друкаваць рэкамендацыі мясцовым жыхарам, як сябе паводзіць у выпадку нападу дзікіх жывёлаў.
![У Кіраўскім раёне лось напаў на людзей](/sites/default/files/styles/default_image_paragraph/public/paragraphs/image/%D0%9B%D0%BE%D1%81%D1%8C-%D0%B2%D0%BE%D1%80%D0%BE%D1%82%D0%B0.jpg.webp?itok=4sP9ztax)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.