У Крэўскім замку шукаюць сляды апор моста
![Раскопкі ў Крэўскім замку](/sites/default/files/styles/gallery_main/public/2024-08/251708-03_1.jpg.webp?itok=VLnHmM-q)
Раскопкі ў Крэўскім замку / БЕЛТА
У Крэўскім замку (Смаргонскі раён Гродзенскай вобласці) шукаюць сляды апор моста, які забяспечваў доступ з брамы ў двор замка. Там працягваюцца археалагічныя раскопкі. Удзельнікі экспедыцыі Інстытута гісторыі НАН Беларусі працуюць сумесна з працаўнікамі "Белрэстаўрацыі", піша БЕЛТА.
Крэўскі замак — помнік архітэктуры XIV стагоддзя. Ён быў адным з першых у Вялікім Княстве Літоўскім. Замак моцна пацярпеў падчас баёў Першай сусветнай вайны і доўгі час стаяў у руінах. У апошнія гады ідуць рэстаўрацыйныя працы і помнік архітэктуры паступова мяняе аблічча, становіцца больш прывабным для турыстаў. Летась міністр культуры Анатоль Маркевіч заявіў, што дзяржава ўклала ў аднаўленне Крэўскага замку больш за 5,5 млн рублёў.
![У Крэўскім замку шукаюць сляды апор моста](/sites/default/files/styles/default_image_paragraph/public/paragraphs/image/251708-01_1.JPG.webp?itok=YBBJM77n)
![У Крэўскім замку шукаюць сляды апор моста](/sites/default/files/styles/default_image_paragraph/public/paragraphs/image/251708-07_1.JPG.webp?itok=PLmey4F1)
![У Крэўскім замку шукаюць сляды апор моста](/sites/default/files/styles/default_image_paragraph/public/paragraphs/image/251708-05_1.JPG.webp?itok=ZV4GP8ng)
![У Крэўскім замку шукаюць сляды апор моста](/sites/default/files/styles/default_image_paragraph/public/paragraphs/image/251708-08_1.JPG.webp?itok=dbISLkGx)
![У Крэўскім замку шукаюць сляды апор моста](/sites/default/files/styles/default_image_paragraph/public/paragraphs/image/251708-09_1.JPG.webp?itok=OlE-cEwJ)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.