У Магілёве мужчына спрабаваў выратаваць сабаку і ледзь не патануў сам
![На месцы здарэння](/sites/default/files/styles/gallery_main/public/2024-06/img_0525.jpg.webp?itok=jv4g-_hn)
На месцы здарэння / mogilev.mchs.gov.by
У Магілёве мужчына спрабаваў выратаваць сабаку і ледзь не патануў сам. Як паведамляюць ратавальнікі, здарэнне адбылося на Дняпры раніцай 9 чэрвеня. 48-гадовы магілёвец рыбачыў з лодкі. Калі ён убачыў у вадзе сабаку, паспрабаваў падняць яго на борт. У гэты момант лодка перакулілася, у выніку чаго мужчына апынуўся ў вадзе. Трымацца на плаву дапамагла выратавальная камізэлька.
Каб самастойна дабрацца да берага, у рыбака не было сіл. Але дапамог відавочца, які падплыў на лодцы. Дарэчы, сабака, праз якога ўсё і адбылося, самастойна дабраўся да берага і ўцёк.
У той жа дзень у Магілёве 54-гадовы мужчына скокнуў з моста ў Дняпро. На шчасце, яго выратаваў сведка. Падобны выпадак адбыўся ў Магілёве некалькі дзён таму. Мужчыну тады выратаваць не змаглі.
![У Магілёве мужчына спрабаваў выратаваць сабаку і ледзь не патануў сам](/sites/default/files/styles/default_image_paragraph/public/paragraphs/image/IMG_0518.JPG.webp?itok=z9StUDuz)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.