У Магілёве пачалася русіфікацыя дарожных знакаў (фота)

У Магілёве пасля рамонту вуліцы Мінская шаша ўсе дарожныя знакі з назвамі вуліц пачалі падпісвацца па-руску. Гэта закранула і беларускіх паэтаў Аляксея Пысіна і Аркадзя Куляшова, а таксама мастака Вітольда Бялыніцкага-Бірулю. Назвы вуліц ў іх гонар цяпер напісаны таксама па-руску.

Першая прыкмета русіфікацыі дарожных знакаў у горадзе на Дняпры з’явілася некалькі гадоў назад, калі на ўездзе ў Магілёў з боку Мінска быў усталяваны дарожны знак “Могилёв” на рускай мове. Тады чыноўнікам была напісана не адна скарга, аднак ніякага эфекту гэта не мела. Тая шыльда так і вісіць дагэтуль.

З’яўленне рускамоўных шыльдаў супала з рашэннем гарвыканкама падпісваць у Магілёве прыпынкі грамадскага транспарта на беларускай мове.