У Магілёве затрымалі Алега Дзьячкова
Алег Дзьячкоў / t.me/MAYDAYMog/
У Магілёве затрымалі Алега Дзьячкова, паведамляе "Наша ніва". Экскурсавода і актывіста асудзілі на 10 сутак адміністрацыйнага арышту. У чым яго абвінавацілі, пакуль невядома.
Затрыманне адбылося раніцай 9 кастрычніка. У кватэры Дзьячкова прайшоў ператрус.
Алег Дзячкоў — былы кіраўнік гарадской суполкі Таварыства беларускай мовы. У 2021-м ён адбыў 15-суткавы арышт за рэпост "экстрэмісцкіх матэрыялаў".
