У Маладзечне затрымалі былога вайскоўца французскага Замежнага легіёна
![Мужчына ў пачатку 2000-х "удзельнічаў у баявых дзеяннях на тэрыторыі Афрыкі"](/sites/default/files/styles/gallery_main/public/2024-05/112233.jpg.webp?itok=_VL7FhQ3)
Мужчына ў пачатку 2000-х "удзельнічаў у баявых дзеяннях на тэрыторыі Афрыкі" / Кадр з відэа
У Маладзечне затрымалі былога вайскоўца французскага Замежнага легіёна. Мужчына кажа на відэа, што мае хобі — зборку беспілотнікаў для асабістых мэтаў. Па версіі сілавікоў, іх у яго нібыта атрымлівалі кантрабандысты.
Прэс-служба Памежнага камітэта РБ называе затрыманага "былым наймітам", які ў пачатку 2000-х "удзельнічаў у баявых дзеяннях на тэрыторыі Афрыкі". Падчас ператрусу знайшлі камплектуючыя да беспілотнікаў, "паветраную вінтоўку "саматужнай вытворчасці", нямецкую вінтоўку "Mauser", боепрыпасы калібра 7.62 мм, кулі для дробнакалібернай вінтоўкі", а таксама значкі, шаўроны і медалі французскага Замежнага легіёна і нейкую "нацысцкую сімволіку".
Сілавікі знайшлі і "экстрэмізм" — заявілі, што мужчына "актыўна ўдзельнічае ў абмеркаванні розных тэм у экстрэмісцкіх тэлеграм-каналах". Ён змешчаны ў ізалятар часовага ўтрымання Маладзечанскага РАУС, распачатая крымінальная справа.
![У Маладзечне затрымалі былога вайскоўца французскага Замежнага легіёна](/sites/default/files/styles/default_image_paragraph/public/paragraphs/image/022_2.jpg.webp?itok=RThftqIC)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.