У Мілане жанчына адабрала ў беларускі тэлефон, пагражаючы адвёрткай
Смартфон / pixabay
Беларуску спрабавалі абрабаваць апоўначы каля Цэнтральнага вакзала ў Мілане, пішуць мясцовыя СМІ. Інцыдэнт адбыўся на плошчы Дука д'Аоста — гэта шматлюднае месца ў цэнтральным раёне горада.
Маладая жанчына падышла да беларускі і, пагражаючы адвёрткай, вымусіла яе аддаць мабільны тэлефон. Дзяўчына звярнулася па дапамогу ў паліцыю. Падазраваную затрымалі.
Аказалася, што напярэдадні яе ўжо арыштоўвалі. Тады яна разам з супольнікам ноччу спрабавала скрасці сумку ў румынкі, якая адпачывала з сябрамі ў людным раёне горада.
