У РФ кажуць, што адбілі атакі на мяжы з Украінай, "Свабода Расіі" абвяргае
У Расіі заяўляюць, што адбілі прырыў мяжы / Легіён "Свабода Расіі"
У Мінабароны Расіі кажуць, што адбілі спробы прарыву мяжы з боку Украіны.
Пацвярджаецца, што баі ішлі ў Белгародскай і Курскай абласцях. Прарыў адбываўся на трох напрамках. Мінабароны Расіі сцвярджае, што ўсе атакі былі адбітыя, а парушэнняў мяжы "не дапушчана". Таксама гаворыцца пра баі каля пасёлка Цёткіна.
Тым часам легіён "Свабода Расіі" заяўляе, што Цёткіна ў Курскай вобласці цалкам знаходзіцца пад іх кантролем.
Пра атаку на расійскія тэрыторыі стала вядома зранку 12 сакавіка. Сцвярджалася, што баі вядуць легіён "Свабода Расіі", РДК ("Рускі добраахвотніцкі корпус) і Сібірскі батальён. Гэта рускія баявыя часці, якія ваююць на баку Украіны. У ГУР Украіны заявілі, што не маюць дачынення да гэтай аперацыі, а рускія часці дзейнічаюць як самастойныя падраздзяленні.
