У мінскім метро студэнты разыгрываюць пасажыраў і здымаюць іх на відэа
У мінскім метро двое студэнтаў разыгрываюць пасажыраў і здымаюць іх на відэа. Аляксандр Брушкоў і Максім Марцінчык рэгулярна робяць гэтак званыя “пранкі” — уцягваюць пасажыраў у кур’ёзныя сітуацыі і правяраюць іх на стрэсаўстойлівасць. Адзін выступае ў якасці акцёра, другі — здымае відэа. Потым ролікі трапляюць на Youtube-канал EASYVISION.
Хлопцы распавялі TUT.by, што рэгулярна сталі размяшчаць свае ролікі з лютага гэтага года і цяпер маюць болей за 100 тысяч падпісчыкаў, а колькасць праглядаў некаторых відэа перакрочыла за мільён.
Пранкер можа “заснуць” на плячы ў незнаёмага чалавека, зазірнуць у чужы смартфон, паслухаць музыку ў чужых навушніках і г.д.
