Аршанская міліцыя атрымлівае ўсё больш "заведама непраўдзівых паведамленняў"
Аршанскія міліцыянты / orshanka.by
Аршанская міліцыя ў 2024 годзе атрымлівае ўсё больш "заведама непраўдзівых паведамленняў" ад грамадзян. Увагу на гэта звярнулі не самі міліцыянты, а раённая пракуратура, якая падчас узмацнення рэпрэсій займалася аналізам.
У большасці выпадкаў у міліцыю тэлефанавалі нецвярозыя аршанцы. Паведамленні міліцыянтам былі самыя разнастайныя: пра забойства, збіццё, прычыненне цялесных пашкоджанняў, крадзёж грошай і каштоўнасцяў, знікненне бытавой тэхнікі, ровараў.
У некаторых выпадках мясцовыя жыхары спрабавалі высветліць, як хутка міліцыя зрэагуе на іх звароты. Такая мэта была ў жыхара Аршанскага раёна, які са свайго мабільнага тэлефона паведаміў на лінію "102" пра знікненне ў яго іншага мабільнага тэлефона. Міліцыянты прыехалі, і высветлілася, што нічога не знікала. Мужчыну аштрафавалі на 160 рублёў.
