У Мінску пачаўся суд па карупцыйнай "цукровай справе"
![У Мінску пачаўся суд па карупцыйнай "цукровай справе"](/sites/default/files/styles/gallery_main/public/2023-08/abfcae94e6483d948939d57046e15d43.jpg.webp?itok=P7NeS6KV)
У Мінску пачаўся суд па карупцыйнай "цукровай справе". Абвінавачаных 10 чалавек (двое з іх — пад хатнім арыштам). Сярод іх — былыя дырэктары цукровых камбінатаў. Працэс праходзіць у судзе Заводскага раёна.
Пра "цукровую справу" стала вядома ў пачатку 2020 года. Тады зніклі дырэктары чатырох цукровых заводаў — прадпрыемстваў у Гарадзеі (Міхаіл Крыштаповіч), Слуцку (Мікалай Пруднік), Скідалі (Дзмітрый Ягораў) і Жабінцы (Віктар Міронаў). Пасля дырэктараў знік кіраўнік Беларускай цукровай кампаніі Дзмітрый Кірылаў. Пазней стала вядома, што яны затрыманыя. Міхаіла Крыштаповіча знялі ў Гродне з самалёта, які ляцеў у Мюнхен.
4 лютага падчас наведвання Добруша Аляксандр Лукашэнка заявіў, што "яны стварылі ў Маскве "пракладку" — гандлёвы дом" і "паставілі туды сваіх [людзей]", а пасля "з заводаў па дэмпінгавых цэнах прадавалі гандлёваму дому беларускі цукар". Далей павялічвалася цана на цукар і яго прадавалі на рынку, а розніцу, якая атрымлівалася, "хабарамі аддавалі дырэктарам заводаў".Такая была версія Лукашэнкі. Ён яшчэ дадаў, што трапіліся і "з пагонамі людзі".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.