У Мінску праводзяць "Дні Крыма"
Амбасада Расіі ў Мінску / ІТАР-ТАСС
У Мінску 10-12 ліпеня расійская амбасада ладзіць "Дні Крыма", паведамляе расійскае інфармагенцтва Sputnik.
Беларусаў будуць завабліваць турыстычным і эканамічным патэнцыялам анексаванай тэрыторыі. Абяцаюць прэзентацыю праекта "Рэспубліка Крым — паўднёвая марская брама Саюзнай дзяржавы", запланаваныя дзелавыя перамовы па пытаннях свабоднай эканамічнай зоны Мінска.
Сярод іншага плануецца падпісаць пагадненне пра ўсталяванне дружалюбных адносін паміж Сакскім раёнам Крыма і Пастаўскім раёнам Віцебскай вобласці.
Пасля акупацыі Крыма расійскімі войскамі афіцыйны Мінск доўгі час юрыдычна не прызнаваў паўвостраў расійскім. Толькі пад канец 2021-га Лукашэнка загаварыў пра Крым як пра расійскую тэрыторыю.
