У паўфінале Кубка Федэрацыі беларускі сустрэнуцца са зборнай Швейцарыі

У паўфінале Сусветнай групы Кубка Федэрацыі беларускі сустрэнуцца са зборнай Швейцарыі. Матч пройдзе ў Мінску 22-23 красавіка.

Беларускія тэнісісткі ўпершыню ў гісторыі выйшлі ў 1/2 фіналу Кубка Федэрацыі. Учора на "Чыжоўка-Арэне" зборная Беларусі абыграла каманду Нідэрландаў — 4:1. Перамогу здабылі Аляксандра Сасновіч, Арына Сабаленка, Вольга Гаварцова і Вера Лапко. Зборная Швейцарыі на шляху да паўфіналу абыграла францужанак.