У Польшчы перакуліўся пасажырскі аўтобус з Беларусі
![Аўтобус перакуліўся недалёка ад мяжы / @granica_bypl](/sites/default/files/styles/gallery_main/public/2023-08/gr_pol_5_07.jpg.webp?itok=0380iDdt)
Аўтобус перакуліўся недалёка ад мяжы / @granica_bypl
Аўтобус, які ехаў з Беларусі ў Польшчу, перакуліўся каля польскага горада Цярэспаль. Пра здарэнне паведамляе тэлеграм-канал "Граница Беларусь — ЕС". "Толькі ад'ехаў ад мяжы аўтобус і лёг у кювет", — гаворыцца ў апублікаванай інфармацыі.
Папярэдне пацярпелі 11 чалавек, іх забралі ў бальніцу. Усяго ў аўтобусе ехалі 49 чалавек. Падпісанты канала таксама паведамляюць, што аўтобус ехаў з Гомеля.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.