У Віцебску міліцыя знайшла 400 грамаў мефедрону
Скрыншот з відэа / прэс-служба МУС
У Віцебску затрымалі наркакур'ера падчас раскладкі наркотыкаў па схованках. 51-гадовы жыхар Гродзеншчыны трапіўся з доказамі злачынства, паведамляе прэс-служба МУС.
Пры асабістым вобшуку і на здымнай кватэры знайшлі і канфіскавалі каля 400 грамаў мефедрону і альфа-PVP, а таксама фасовачныя матэрыялы і вагі.
Паводле папярэдніх звестак, мужчына зрабіў каля 100 "закладак" па ўсёй Беларусі. Цяпер на затрыманага заведзеная крымінальная справа за незаконны абарот наркотыкаў.
