У вёсках каля мяжы Беларусі з Украінай масава ўсталёўваюць сістэму запуску сірэн
Падрыхтоўка да будучых падзей / Ілюстрацыйнае фота ria.ru
У раёнах каля мяжы Беларусі з Украінай масава ўсталёўваюць сістэму запуску сірэн. Сірэны з'явяцца на будынках сельсаветаў, дзіцячых садкоў, школ і калгасаў, піша @flagshtok.
Гомельскае абласное ўпраўленне МНС закупляе паслугі па мадэрнізацыі аўтаматызаванай сістэмы цэнтралізаванага апавяшчэння насельніцтва памежных раёнаў Гомельскай вобласці. Праект закранае 52 населеныя пункты ў 8 раёнах (пераважна ў сельскай мясцовасці). З абласнога бюджэту было выдаткавана больш за 433 тысячы рублёў. Сістэму збіраюцца запусціць да снежня 2023-га.
Выданне заўважыла, што найбольшую частку сістэм апавяшчэння ўсталююць у Гомельскім, Добрушскім, Брагінскім, Лоеўскім, Нараўлянскім і Ельскім раёнах. Менавіта іх у лютым 2022-га расійскія войскі выкарысталі для ўварвання ва Украіну.
На схеме адзначаны населеныя пункты, дзе плануецца ўсталяваць сістэму апавяшчэння.
