Удальёў: прынесці нормы хрысціянскай маралі ў жыццё беларусаў — мая ідэя
20 траўня ў эфіры Еўрарадыё — пастар Евангелічна-рэфармацкай царквы “Кальвінісцкі збор” Сяржук Удальёў.
Былі часы, калі царква забараняла людзям чытаць Евангелле і нават сярод святароў былі такія, якія ніколі не чыталі Бібліі. Як вынік, нормы хрысціянскай маралі проста былі людзям не вядомыя. Узнікла патрэба ў рэфармацыі царквы. Тое ж мы маем і сёння — патрэбы ў рэфармацыі, у выніку якой у штодзённае жыццё беларусаў вернуцца гэтыя нормы хрысціянскай маралі, перакананы Сяржук Удальёў.
Пра тое, як жыццё ў адпаведнасці з нормамі хрысціянскай маралі дапаможа беларусам змяніць краіну, ці працуе сёння прынцып “падстаў левую шчаку” і чаму нам вучыць гісторыя Мікалая Радзівіла Чорнага, мы і разважаем у праграме “Ідэя Х” з Сяржуком Удальёвым.
Набыць кнігу "Беларуская нацыянальная ідэя" (PDF) можна тут
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень у панядзелак і чацвер у 14:00.
Партнёры праграмы — крама з нацыянальным каларытам Symbal.by і грамадская кампанія "Годна".
Папярэднія выпускі праграмы "Ідэя Х" можна глядзець тут:
