Украінская платформа Lemon адмовілася супрацоўнічаць з беларусамі
![Украінская платформа Lemon адмовілася супрацоўнічаць з беларусамі](/sites/default/files/styles/gallery_main/public/2023-08/praca-2308.jpg.webp?itok=2zDC7q0J)
Украінская фрыланс-платформа Lemon адмовілася супрацоўнічаць з беларусамі. Пра гэта беларускі айцішнік даведаўся, калі падаў туды заяўку, піша devby.io.
Прычынай такога рашэння назвалі вайну, якую Расія развязала успраць Украіны ў лютым 2022 года.
"Дзякуй за заяўку. З лютага 2022 года і пачатку вайны ва Украіне наша кампанія не працуе з беларускімі айцішнікамі і кліентамі", — адказалі беларусу.
Як вядома, расійскія войскі ўварваліся ва Украіну ў тым ліку і з тэрыторыі Беларусі. Таксама з тэрыторыі Беларусі перыядычна вядзецца абстрэл Украіны.
Платформа Lemon дапамагае амерыканскім стартапам знаходзіць ІТ-фрылансераў ва Усходняй Еўропе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.