Уладзімір Зяленскі змяніў камандуючага Сіламі спецыяльных аперацый УСУ
![Уладзімір Зяленскі](/sites/default/files/styles/gallery_main/public/2023-11/zielia-0311.jpg.webp?itok=0qeh_mhN)
Уладзімір Зяленскі / president.gov.ua
Уладзімір Зяленскі прызначыў новага кіраўніка Сіл спецыяльных аперацый УСУ. Ім стаў палкоўнік Сяргей Лупанчук. На гэтай пасадзе ён замяніў генерал-маёра Віктара Харэнку.
Харэнка кіраваў Сіламі спецыяльных аперацый адзін год і тры месяцы. Прычыны яго замены не называюцца.
Раней у заходніх СМТ пісалі, што пасля няўдачы контрнаступу ўкраінскае кіраўніцтва правядзе кадравыя змены.
Як адзначае hromadske.ua, за час сваёй дзейнасці Харэнка амаль не з'яўляўся ў СМІ. Сваё першае інтэрв'ю ён даў усяго некалькі дзён таму. Пры гэтым ён заявіў, што "асаблівасць ССА — не гаварыць, а дзейнічаць".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.