Ва Украіне расказалі пра сітуацыю на мяжы з Беларуссю

Камандуючы Аб'яднаных сіл Узброеных сіл Украіны генерал-лейтэнант Сяргей Наеў расказаў пра сітуацыю на мяжы з Беларуссю. Паводле яго слоў, яна "цалкам кантралюецца" і "рэзкіх змен не прадбачыцца". Аднак Наеў не выключае, што ў будучыні Расія можа арганізаваць "актыўныя дзеянні з паўночнага напрамку". "Так што арганізацыя правакацый і правядзенне дыверсій на ўкраінска-беларускай мяжы — не выключаецца", — дадае генерал.

На цяперашні момант украінскі бок не фіксуе прыкмет фармавання на беларускім баку мяжы "ўдарных груповак". Паколькі захоўваецца "пагроза выкарыстання дыверсійна-разведывальных сіл з тэрыторыі Беларусі", украінскія вайскоўцы працягваюць умацоўваць абарону мяжы і ўдасканальваць магчымасці контрдыверсійных дзеянняў.

Сяргей Наеў адзначае, што расійскія войскі, якія раней былі ў Беларусі, у поўным складзе выведзены ў РФ (іншыя крыніцы гэта не пацвярджаюць). Яны знаходзяцца ў рэзерве групоўкі, якая спрабуе наступаць ва Украіне на Купянскім і Ліманскім напрамках. Генерал згадвае вучэнні АДКБ у РБ у верасні і не выключае, што іх выкарыстаюць для "нарошчвання ваеннай прысутнасці" РФ. Пра вагнераўцаў Наеў зусім не згадаў.