Валанцёрка Анісія Казлюк атрымала часовы від на жыхарства ва Украіне

Беларуская валанцёрка Анісія Казлюк атрымала часовы від на жыхарства ва Украіне. Пра гэта яна напісала ў сваім акаўнце ў Фэйсбуку

У чэрвені беларуску, у якой скончыўся дазвол на знаходжанне ва Украіне, затрымалі і ледзь не дэпартавалі. Потым яе аштрафавалі, але патрабаванне пакінуць краіну знялі. Месяц таму дзяўчыне дазволілі застацца ва Украіне да Новага года, а цяпер нарэшце выдалі часовы ВНЖ.

Развязаць праблему дапамог Офіс Святланы Ціханоўскай. 

Практыка апошніх месяцаў паказвае, што часцей за ўсё ўкраінскія чыноўнікі і памежнікі не вельмі прыязна ставяцца да беларусаў, якія спрабуюць трапіць ва Украіну ці працягнуць дакументы для знаходжання там.