Валерыі Касцюговай і Таццяне Кузінай прысудзілі па 10 гадоў зняволення

Валерыя Касцюгова і Таццяна Кузіна / spring96.org
Валерыя Касцюгова і Таццяна Кузіна / spring96.org

Валерыі Касцюговай і Таццяне Кузінай прысудзілі па 10 гадоў калоніі агульнага рэжыму (такі тэрмін і патрабаваў пракурор). Іх прызналі вінаватымі па трох артыкулах: "захоп ўлады", "шкода нацыянальнай бяспецы" і "распальванне варожасці".

Касцюгова — палітолаг, заснавальніца і рэдактарка сайта экспертнай супольнасці "Наше мнение", рэдактарка і аўтарка "Беларускага штогодніка", кіраўніца групы экспертаў па маніторынгу "Беларусь у фокусе". Яна знаходзіцца за кратамі з 30 чэрвеня 2021 года.

Кузіна — сузаснавальніца школы маладых менеджараў публічнага адміністравання Sympa, экспертка даследчага праекта bipart. Яе затрымалі ў Мінску ўначы з 28 на 29 чэрвеня 2021 года.

Праваабаронцы прызналі іх палітзняволенымі.

Суд праходзіў з 6 лютага ў Мінскім гарадскім судзе.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі