Віцебскага блогера прымусілі сказаць на відэа, што за кратамі яго не білі
Віталь Усціновіч / Кадр з відэа
Блогер Віталь Усціновіч правёў 25 сутак у ізалятары часовага ўтрымання Віцебска. Пра гэта ён распавёў на відэа сілавікоў. Яго затрымалі ў пачатку лютага, суткі ён правёў за кратамі, але суд перанеслі. У сярэдзіне лютага Усціновіч быў асуджаны за "распаўсюд экстрэмісцкіх матэрыялаў" (на які тэрмін, было невядома). Цяпер жа Віталю Усціновічу супрацоўнікі ГУБАЗіК загадалі сказаць на відэа, што яны "паводзілі сябе карэктна", а на "сутках" яго не білі. Ці маюць яны да яго яшчэ прэтэнзіі, невядома.
"Здавалася б, нікуды не лез, здымаў толькі рыбалку, падарожжы і кансервы нашыя любімыя. У выніку ўсё роўна забралі... У такія часы нялёгкія жывем", — казаў Усціновіч перад судом.
