Віцяблянін папрасіў незнаёмца на прыпынку дапамагчы сабраць пісталет
![Пісталет, ілюстрацыйнае фота](/sites/default/files/styles/gallery_main/public/2024-08/pistol-2808.jpg.webp?itok=DlCL1kDE)
Пісталет, ілюстрацыйнае фота / pixabay.com
Баец атрада спецыяльнага прызначэння "Віцязь" вайсковай часці 5524 у Віцебску ў свой выходня дзень вяртаўся з трэніроўкі. На аўтобусным прыпынку да яго звярнуўся невядомы з пытаннем, ці ўмее ён збіраць пісталет Макарава.
Падчас гутаркі мужчына дастаў з сумкі пісталет і папрасіў дапамагчы сабраць яго. Спецназавец, "не падаўшы выгляду, выклікаў супрацоўнікаў міліцыі і да прыбыцця нараду падтрымліваў размову з незнаёмцам", піша прэс-служба ўнутраных войскаў.
Мужчыну з пісталетам затрымалі. Высветлілася, што ў яго была не баявая, а траўматычная зброя з пратэрмінаваным дазволам. Зарэгістраваны пісталет на грамадзяніна Расіі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.