"Вы наш амбасадар у Беларусі" — такія словы пачуў у Эфіопіі сын Лукашэнкі
Аляксандр Зінгман, Дзмітрый Лукашэнка і Дэмеке Меканен / https://twitter.com/mfaethiopia
Дзмітрый Лукашэнка, сярэдні сын Аляксандра Лукашэнкі, стаў ганаровым консулам Эфіопіі ў Беларусі. 16 траўня ў Адыс-Абебе яго прыняў кіраўнік МЗС і віцэ-прэм'ер Эфіопіі Дэмеке Меканен. На здымках, апублікаваных прэс-службай знешнепалітычнага ведамства Эфіопіі, відаць, што Лукашэнку суправаджаў бізнесмен Аляксандр Зінгман.
"Вы наш амбасадар у Беларусі", — такія словы пачуў у Эфіопіі Дзмітрый Лукашэнка. На сустрэчы гаворка ішла пра інвестыцыі, турызм, механізацыю сельскай гаспадаркі, здабычу карысных выкапняў. Кіраўнік МЗС Эфіопіі адзначыў, што зробіць усё магчымае для ўмацавання дачыненняў краін. Тое самае сказаў і Лукашэнка, які таксама падзякаваў за гасцінны прыём.
Дзмітрыю Лукашэнку 43 гады. Ён кіруе Прэзідэнцкім спартыўным клубам (з 2005-га), з'яўляецца членам Нацыянальнага алімпійскага камітэта. Яго прозвішча прысутнічае ў заходніх "чорных спісах".
H.E. Demeke warmly welcomed the Honorary Consul to Addis Ababa & expressed the gratitude of the Gov’t of Ethiopia for representing Ethiopia and its people with passion and commitment in the Eastern European nation. He told the latter, "You are our ambassador to Belarus". 2/4
— The Ministry of Foreign Affairs of #Ethiopia (@mfaethiopia) May 16, 2023
