Вызвалены Зміцер Паліенка
У Мінску вызвалены Зміцер Паліенка, былы палітвязень. Пра гэта піша ў Facebook Марына Касінерава. Яна змясціла і першае фота яго на волі. Днямі Паліенку затрымлівалі па крымінальнай справе, распачатай за графіці пра міліцыю, зробленага ў канцы мінулага года. Разам з ім затрымалі Яўгена Чуліцкага і Насцю Гусеву.
Касінерава піша, што пасля допытаў у Заводскім РУУС выпускаюць таксама Чуліцкага і Гусеву.
