Wizz Air часова прыпыняе палёты ў Кішынёў

Венгерскі лаўкостар Wizz Air з 14 сакавіка часова прыпыняе палёты Кішынёў, гаворыцца ў прэс-рэлізе, які кампанія разаслала ў СМІ. Гэтыя звесткі пацвердзілі і ва ўпраўленні грамадзянскай авіяцыі Малдовы.

Прычынай такога рашэння ў Wizz Air назвалі клопат пра бяспеку на фоне апошніх падзей у Малдове, а таксама "высокую, але не непазбежную рызыку ў паветранай прасторы" гэтай краіны.

Падчас вайны, якую Расія развязала супраць Украіны, урад Малдовы паведамляў, што праз яе паветраную прастору мінімум двойчы праляталі расіякія ракеты. На пачатку лютага ўлады Украіны і Малдовы не выключалі, што Расія распрацавала план па дэстабілізацыі сітуацыі ў Малдове. Крэмль гэта абвяргаў.

27 лютага стала вядома, што ўкраінскія войскі вылучылі вайсковыя часці, каб супраць стаяць магчымай агрэсіі з боку непрызнанага Прыднястроўя.