Ярмошына: Выбаршчыкі не маюць права рабіць фота на ўчастку для галасавання
Права рабіць фота і відэаздымку на выбарчым участку маюць толькі журналісты. Усім астатнім гэта дазваляецца толькі пасля дазволу старшыні ўчастковай выбарчай камісіі. Пра гэта заявіла старшыня Цэнтрвыбаркаму Лідзія Ярмошына падчас прэс-канферэнцыі 11 верасня.
Ярмошына: Права праводзіць фота і відэаздымкі даецца толькі журналістам. У адпаведнасці з законам “Аб СМІ”, што да ўсіх астатніх грамадзян, то яны маюць права рабіць нейкія фотаздымкі толькі са згоды грамадзян, якіх яны фатаграфуюць. Гэта агульнаграмадзянскія правілы. Таму проста так прыйсці і фатаграфаваць выбарчую камісію ці іншых выбаршчыкаў яны не маюць права”.
Нагадаем, 11 верасня ў Беларусі праходзяць выбары дэпутатаў Палаты прадстаўнікоў.
