З Расіі сышоў нават расійскі брэнд тэлефонаў

З Расіі сышоў расійскі брэнд тэлефонаў Inoi — сцяг Расіі знік з сайта кампаніі, піша "Коммерсант". Кампанія, якая вырабляла смартфоны і кнопкавыя тэлефоны кітайскай зборкі, перабралася ў Эстонію.

"Коммерсант" адзначае, што Inoi быў першым смартфонам, які працаваў на расійскай аперацыйнай сістэме "Аўрора", праўда, пазней ён усё ж пераключыўся на Android.  Апошнім часам доля брэнда ў продажах кнопкавых тэлефонаў складае 5,9%, а ў смартфонах — менш за 1%. Але сімптаматычна тое, што гэта першы зыход расійскага брэнда тэлефонаў з краіны, адзначаюць эксперты. На іх думку, крок звязаны з жаданнем захаваць замежных партнёраў.

Кампанія хоча "дыстанцыявацца ад ваеннай аперацыі ва Украіне, каб пазбегнуць праблем з замежнымі партнёрамі і пастаўкамі", мяркуе, у прыватнасці, гендырэктар TelecomDaily Дзяніс Кускоў.